9 мастацкіх музеяў і галерэй за межамі Менска

|

Культурная праграма

|

Аўтар:   Полина Юргенсон

|

  2099

9 мастацкіх музеяў і галерэй за межамі Менска

Выбралі дзевяць месцаў па ўсёй Беларусі, куды варта адправіцца тым, хто адчувае голад духоўны: тут пранізлівыя пейзажы, яскравыя маляванкі і нават манументальныя мазаікі беларускіх майстроў.

 

 

 Менская вобласць 

 

Музей народнай славы ў Зембіне

 

 

Дзе? Зембін, вул. Ленінская, 1 (Google Maps).
Колькі? Уваход – удакладняй на месцы.

Нягледзячы на тое, што асноўная экспазіцыя прысвечана ваенным дзеянням у Барысаўскім раёне, для аматараў мастацтва Зембін – практычна must visit. Тут у адной з залаў знойдзеш працы сусветна вядомай беларуска-французскай авангардысткі Надзі Хадасевіч-Лежэ. На сценах невялікай залы размясцілі адразу шэсць яе манументальных мазаік з партрэтамі, напрыклад, Шагала і Пікаса. У той жа галерэйнай частцы яшчэ можаш паглядзець залу з рэпрадукцыямі карцін еўрапейскіх майстроў і некаторыя палотны мастадонтаў беларускай гісторыі мастацтваў.

 

 

Музей «Прастора Хаіма Суціна» ў Смілавічах

 

 

 Сайт

Дзе? Смілавічы, вул. Рэвалюцыйная, 20 (Google Maps).
Колькі? 9,4 BYN з чалавека за ўваход з двухгадзіннай экскурсіяй і кубачкам кавы. 

Хоць прастора і носіць імя аднаго знакамітага беларуса, ехаць сюды варта, каб даведацца больш адразу пра двух, – Хаіма Суціна і Файбіш-Шрагу Царфіна. Абодва – ураджэнцы Смілавічаў, тут пра іх расказваюць з асаблівай любоўю. Але чым адметны музей? Гэта тое рэдкае месца ў Беларусі, дзе можна паглядзець на жывапісныя працы Царфіна. Што ж тычыцца Суціна, арыгіналаў яго работ у Смілавічах няма, тут варта чакаць толькі рэпрадукцыі і аповед экскурсавода пра жыццё мастака.

Калі збярэшся прыехаць сюды, важна памятаць, што «Прастора» не асобная інстытуцыя, а толькі частка мясцовага цэнтра дзіцячай творчасці. Так што перад прыездам неабходна патэлефанаваць (+375171423246) і дамовіцца з супрацоўнікамі аб ўваходзе з экскурсіяй.

 

 

 Берасце і Брэсцкая вобласць 

 

Мастацкі музей у Берасці

 

 

 Сайт  

Дзе? Берасце, вул. Герояў абароны Брэсцкай крэпасці, 60 В (Google Maps).
Колькі? Квіток – 7,5 BYN.

У Берасці ёсць даволі вялікі мастацкі музей: тут знойдзеш сем залаў з выяўленчым мастацтвам, якія правядуць па храналогіі гісторыі горада праз жывапіс, графіку і скульптуру. У канцы сустрэнеш яшчэ дзве залы з традыцыйнай культурай, дзе можна паглядзець на народны касцюм, ганчарства, саломапляценне або ткацтва. Хайлайтамі для аматараў арта тут можа стаць, напрыклад, графіка знакамітых мастакоў Берасця і вобласці. Сярод іх у пастаяннай экспазіцыі Мікалай Селяшчук і Леў Алімаў.

 

 

Карцінная галерэя Аляксея Кузьміча ў вёсцы Махро

 

 

 Сайт 

Дзе? в. Махро (Іванаўскі раён), вул. Савецкая, 27 (Google Maps).
Колькі? Квіток – 1 BYN, экскурсія – 4 BYN.

Аляксей Кузьміч старэйшы вядомы як аўтар карцін з Мадонамі. На яго рахунку больш за тысячу палотнаў з гэтым сюжэтам, так што яму нават прыпісваюць званне мастака, што напісаў іх больш за ўсіх у свеце. Тэма Мадон з'явілася ў творчасці аўтара, калі Кузьмічу ўжо было за сорак. Адбылося гэта пасля знаёмства з будучай жонкай Інэсай, якая і стала правобразам ўсіх яго наступных карцін. Уласна, дзеля Мадон і варта заехаць у галерэю. Тут знойдзеш не толькі іх з розных цыклаў, але яшчэ і Палескія пейзажы, нацюрморты і партрэты сям'і мастака.

 

 

 

 Віцебск і Віцебская вобласць  

 

Мастацка-этнаграфічны музей імя Язэпа Драздовіча ў Германавічах

 

 

 Сайт

Дзе? аг. Германавічы, вул. Школьная, 20 (Google Maps).
Колькі? Квіток – 1 BYN, экскурсія – 6 BYN.

Якая Віцебская вобласць без Драздовіча? Будзеш там – заязджай у Германавічы. Невялікі, але ўтульны музей на першым паверсе раскажа пра этнаграфію краю, а на другім правядзе па жыцці знакамітага мастака, скульптара, археолага, астранома і пісьменніка Язэпа Драздовіча. У залах знойдзеш адразу 14 яго арыгінальных маляванак, якія ўжывую літаральна гіпнатызуюць.

 

 

Арт-цэнтр Марка Шагала ў Віцебску

 

 

 Facebook

Дзе? Віцебск, вул. Путна, 2 (Google Maps).
Колькі? Квіток – 7 BYN.

Каб паглядзець на працы самага вядомага беларускага мастака за межамі сталіцы, адпраўляйся ў арт-цэнтр Марка Шагала ў Віцебску. Тут праводзяць выставы яго графічных работ і перыядычна мяняюць экспазіцыю, каб паказаць тое, што ёсць ў запасніках. У калекцыі музея – літаграфіі, ксілаграфіі, афорты і акватынты Шагала з серыі да паэмы Гогаля «Мёртвыя душы», Бібліі і цыкла «12 каленяў Ізраіля».

 

 

Мастацкая галерэя ў Полоцку

 

 

 Сайт

Дзе? Полацк, вул. Стралецкая, 4A-4 (Google Maps).
Колькі? Уваход на асноўную экспазіцыю – 5 BYN, уваход на выстава стэнапісу Спаса-Праабражэнскага храма – 2 BYN, зменная выстава – 5 BYN, экскурсія – 20 BYN.

Сам будынак Полацкай галерэі заслугоўвае асобнага згадвання. Раней тут размяшчаўся адзін з карпусоў былога езуіцкага калегіума, помніка архітэктуры XVIII стагоддзя. Зараз жа тут знаходзіцца вялікі збор беларускага мастацтва розных часоў і тэхнік, а разам з ім граверная майстэрня і мастацкі салон. Асобна, мабыць, вылучым калекцыю работ аўтараў ХХ – пачатку XXI стагоддзя. У галерэі, шпацыруючы па залах, зможаш знайсці гучныя імёны нашай гісторыі мастацтваў, напрыклад, працы Зоі Літвінавай, Віталя Цвіркі і нават Ізраіля Басава.

 

 

 Гомель и Гомельская вобласць 

 

Мастацкая галерэя Г.Х.Вашчанкі ў Гомлі

 

 

 Сайт

Дзе? Гомель, вул. Карповіча, 4 (Google Maps) и Гомель, пр-т. Ленина 43, (Google Maps).
Колькі? Квіток – 5 BYN.

Уся калекцыя гомельскай галерэі Вашчанкі складаецца з дзвюх частак. Першая – творы самога Гаўрыіла Харытонавіча Вашчанкі і яго жонкі Мацільды Адамаўны: жывапіс, акварэль, праекты манументальных работ, графіка, скульптура і дэкаратыўна-прыкладное мастацтва. Другая частка – працы сучасных беларускіх аўтараў, якія пастаянна папаўняюцца. Галоўным экспанатам гэтай частцы галерэя па праве лічыць палатно Зоі Літвінавай, вучаніцы Вашчанкі. У фондах таксама захоўваюцца творы знакамітага графіка Валерыя Славука.

 

 

 Магілёў 

 

Музей В.К. Бялыніцкага-Бірулі ў Магілёве

 

 

 Сайт 

Дзе? Магілёў, вул. Ленінская, 37 (Google Maps).
Колькі? Квіток – 4 BYN, экскурсія – 10 BYN.

Магілёўскі музей Бялыніцкага-Бірулі – гэта філіял Нацыянальнага мастацкага музея. Калі яго адкрылі, у музея ўжо было каля пяцісот карцін мастака. Зараз супрацоўнікі адабралі з гэтай калекцыі ўнікальныя экспанаты для выставы. У пастаянную экспазіцыю ўвайшлі жывапісныя работы Бялыніцкага-Бірулі і яго асабістыя рэчы: скульптуры, прадметы дэкаратыўна-прыкладнога мастацтва і мэбля, якія перадала ўдава мастака, Алена Аляксееўна.


 

Фота: Palasatka

hand with heart

Отблагодарить 34travel

Если наши материалы пригодились тебе в пути, сказать спасибо редакции можно, купив нам чашку кофе через Ko-fi. Всего пара кликов, никаких регистраций, комиссий и подписок. Спасибо, что ты с нами.

ЗАКИНУТЬ МОНЕТКУ

Чытай таксама

Маршрут: Места УНОВИСа в Витебске

Едем знакомиться с авангардным искусством.

Места Дроздовича и «беларусский Версаль»: Едем в Глубокое и окрестности

Сокровища сельских музеев, удивительные костелы и мистические руины – едем на север от Минска на Kia Sorento.

Чаму варта наведаць музей маляванкі?

Дзіўныя гісторыі, якія стаяць за ўнікальнай калекцыяй.

Цяпер на галоўнай

Падкаст пра беларускую гастраномію: Кава ці гарбата?

Гісторыя ўлюбёных напояў і традыцыйных дэсертаў.

Тут нават камяні жывыя. Этнограф – пра палескія традыцыі, якія захаваліся да нашых дзён

Міфалогія старажытнага беларуса, якую можна назіраць ужывую.

Забытая Беларусь: славутасці, якіх ужо няма

Спадчына, памяць пра якую застаецца толькі на малюнках.

Месца тыдня: Лынтупы

Касцёл, сядзіба і старыя могілкі.

Маршрут па беларускім Палессі: едзем у Пінск і ваколіцы

Унікальныя музеі народнай культуры, мясціны Напалеона Орды, загадкавыя пахавальні.

Як прайшоў Юраўскі карагод – унікальны абрад сустрэчы вясны

Паказваем, як абрад са спісу ЮНЕСКА выглядае сёння.

Едзем на захад ад Менска: старадаўнія сядзібы і велічныя храмы

Пабадзяцца ля разбураных сцен, палюбавацца храмамі і адшукаць круглае возера.

Афіша Беларусі: Куды пайсці ў траўні?

Архаічныя абрады, вечары з музыкай, выставы і барахолка.

Падкаст пра беларускую гастраномію: Застольны этыкет

Адкуль пайшлі розныя рытуалы і правілы.

Паказаць больш Паказаць больш