Штучны інтэлект трохі змяніў беларускія помнікі архітэктуры. Ці пазнаеш ты іх?

07.12.2023 |

Аўтар: 34travel

6395

Мы папрасілі штучны інтэлект трохі «павядзьмарыць» над выявамі вядомых беларускіх выбітнасцяў: недзе ажурныя барокавыя вежы змяніліся вострымі гатычнымі шпілямі, а недзе з'явіліся няісныя элементы дэкору. Правер: ці пазнаеш ты помнікі архітэктуры ў такім выглядзе? А калі пройдзеш тэст да канца – убачыш арыгінальныя фота славутасцяў і зможаш параўнаць іх з творчасцю ШІ.

Што гэта за архітэктурны помнік?

Старт!

1. Пачнем з простага. Што гэта за замак?

Падобны да Лідскага.

Мірскі.

Гэта літоўскія Трокі.

Вядома! Гэта легендарны Мірскі замак, які пачалі будаваць яшчэ ў XVI стагоддзі.

Ну не. Гэта легендарны Мірскі замак, які пачалі будаваць яшчэ ў XVI стагоддзі.

Далей!

2. А гэту 400-гадовую фартэцыю пазнаеш нават з фэйкавай вежкай?

Ну гэта ўжо дакладна Ліда.

Крэва, гэта ты?

Відавочна, гэта Любча.

Так! Гэта замак Радзівілаў-Кішак у Любчы, які рэстаўруецца ўжо шмат гадоў.

Міма. Гэта замак Радзівілаў-Кішак у Любчы, які рэстаўруецца ўжо шмат гадоў.

Далей!

3. Да якого строгага абарончага храма ШІ дамаляваў мудрагелісты барочны франтон?

Гэта Троіцкі касцёл у Ішкалдзі.

Гэта царква Святога Арханёла Міхала ў Сынкавічах.

Гэта Свята-Раства-Багародзіцкая царква ў Мураванцы.

Дакладна. Пазнаць яго можна па характэрным нішам на фасадзе.

Далей!

4. Гэты шэдэўр неаготыкі нядаўна адчыніў дзверы пасля рэстаўрацыі. Атрымалася не зусім так, як на фота.

Гэта Стары замак у Горадне.

Гэта Ружанскі палац Сапегаў.

Пазнаю палац у Косава з першай ноты.

Правільна! Рамантычны палац з 12 вежамі вырас у Косава, калі тутэйшымі землямі распараджаўся Вандалін Пуслоўскі.

А вось і не! Гэта рамантычны палац Пуслоўскіх у Косава з 12 вежамі.

Далей!

5. Ажурныя шмат'ярусныя вежы гэтага храма з багатай гісторыяй змяніліся на суровыя гатычныя. Што гэта за месца?

Сафійскі сабор у Полацку.

Троіцкі касцёл у Гервятах.

Пратэстанцкая кірха ў Горадні.

Безумоўна. Гэта Сафія – выдатны ўзор віленскага барока.

Не то. Гэта Сафія – выдатны ўзор віленскага барока.

Далей!

6. А тут на месцы сціплай беласнежнай вежы ШІ намаляваў зусім неверагодны шпіль. Падказка: храм знаходзіцца зусім побач з Менскам.

Гэта храм у Рубяжэвічах.

Гэта прыгожы сабор у Заслаўлі.

Трохі паходзіць на храм у Смаргоні.

Менавіта так! Гэта храм у Заслаўлі, які першапачаткова ўзвялі як кальвінісцкі збор.

Не. Гэта храм у Заслаўлі, які першапачаткова ўзвялі як кальвінісцкі збор.

Далей!

7. У паралельным свеце гэта малая базыліка магла бы выглядаць так. Пазнаеш?

Фарны касцёл у Горадні.

Касцёл святой Ганны ў Мосары.

Касцёл Унебаўзяцця Найсвяцейшай Дзевы Марыі ў Будславе.

У кропку. Гэта барокавы храм у Будславе, адзін з трох у Беларусі з ганаровым тытулам малой базылікі.

Не. Гэта барокавы храм у Будславе, адзін з трох у Беларусі з ганаровым тытулам малой базылікі.

Далей!

8. ШІ творча пераасэнсаваў выгляд адной знакамітай руіны – што за яна?

Гэта замак у Наваградку.

Гэта тое, што засталося ад Бабруйскай крэпасці.

Гэта Быхаўскі замак.

Клас! Гэта насамрэч Наваградскі замак, які адносіцца да часу, калі го́рад быў адным з самых уплывовых у Вялікім княстве Літоўскам.

Не ў гэты раз. Гэта Наваградскі замак, які адносіцца да часу, калі го́рад быў адным з самых уплывовых у Вялікім княстве Літоўскам.

Далей!

9. Якая гатычная пахавальня з падачы штучнага інтэлекту стала яшчэ гатычней?

Магчыма, капліца Ажэшкаў ў Закозелі.

Думаю, пахавальня Рэйтанаў у Грушаўцы.

Падобная капліца ёсць у Ракавіцы.

Ага! Містычную пахавальню Рэйтанаў у Грушаўцы цяжка з нечым зблытаць.

Не тое. ШІ дадаў трохі гатычных элементаў да без таго суровай пахавальні Рэйтанаў у Грушаўцы.

Далей!

10. А тут замест класічнага порціка з калонамі з'явіўся раскошны барокавы партал. Пазнаеш сядзібу?

Палац Тызенгаўзаў у Паставах.

Сядзіба Бохвіцаў у Паўлінава.

Сядзіба Агінскіх у Залессі.

Тая самая! Кажуць, менавіта тут быў напісаны знакаміты паланэз.

Не тое. Гэта сядзіба ў Залессі, дзе, кажуць, быў напісаны знакаміты паланэз.

Далей!

Яшчэ раз!

Фота: palasatka

07.12.2023 |

Культурная праграма

Аўтар: 34travel

6395

Отблагодарить 34travel

Если наши материалы пригодились тебе в пути, сказать спасибо редакции можно, купив нам чашку кофе через Ko-fi. Всего пара кликов, никаких регистраций, комиссий и подписок. Спасибо, что ты с нами.

ЗАКИНУТЬ МОНЕТКУ