Тэст: ці разбіраешся ты ў архітэктуры Беларусі?

27.03.2023 |

Аўтар: 34travel

4838

Тэст: ці разбіраешся ты ў архітэктуры Беларусі?

Разам з МТС мы ўжо паўгода расказваем табе пра стылі беларускай архітэктуры. Калі ты з тых, хто любіць праверыць свае веды, то наспела такая магчымасць. Тэст на 14 пытанняў рознай ступені складанасці дапаможа асвяжыць у галаве сімпатычныя архітэктурныя тэрміны і дарагія сэрцу карцінкі са славутасцямі Беларусі.

Тэст: ці разбіраешся ты ў архітэктурных стылях?

Паехалi!

Пачнём з простага. У якім архітэктурным стылі пабудаваны Нясвіжскі замак?

Готыка.

Барока.

Класіцызм.

Вядома. Нясвіжская рэзідэнцыя Радзівілаў – адзін з галоўных помнікаў беларускага барока.

Не. Нясвіжская рэзідэнцыя Радзівілаў – адзін з галоўных помнікаў беларускага барока.

Паехалi!

Шчыпец – характэрны элемент барочнай архітэктуры. А што гэта?

Плоская калона.

Верхняя частка сцяны.

Дэкаратыўная завітушка.

Дакладна. Шчыпец – верхняя частка сцяны, не аддзеленая ад асноўнай плоскасці карнізам.

Няслушна. Шчыпец – верхняя частка сцяны, не аддзеленая ад асноўнай плоскасці карнізам.

Паехалi!

Добра. А як тады называецца гэтая дэкаратыўная завітушка?

Валюта.

Картуш.

Маскарон.

Так. Гэта валюта. Але ты можаш адшукаць на барочных будынках і картуш, і маскарон.

Не. Гэта валюта. Але ты можаш адшукаць на барочных будынках і картуш, і маскарон.

Паехалi!

Траецкі касцёл у Ішкалдзі – гэта…?

Раманскі стыль.

Готыка.

Неабарока.

Дакладна. Храм 1449–1472 гадоў пабудовы – цудоўна захаваны ўзор суворай беларускай готыкі.

Не. Храм 1449–1472 гадоў пабудовы – цудоўна захаваны ўзор суворай беларускай готыкі.

Паехалi!

Гатычных гаргулляў поўна ў Парыжы, а дзе можна адшукаць іх у Беларусі?

У Мар'інай Горцы.

У Красным Беразе.

У Ператрутаўскім Варатыне.

Менавіта. Водаправодныя дэманы жывуць у сядзібе Гатоўскіх – Козел-Паклеўскіх у Красным Беразе.

Не. Водаправодныя дэманы жывуць у сядзібе Гатоўскіх – Козел-Паклеўскіх у Красным Беразе.

Паехалi!

Навошта неагатычнаму Гервяцкаму касцёлу незлічоныя паўаркі?

Яны яго ўпрыгожваюць.

Арганізуюць сцёк вады.

Здымаюць нагрузку са сцен.

Усё ведаеш! Аркбутаны ўдзельнічаюць у тым, каб здымаць нагрузку са сцен. Дзякуючы ў тым ліку ім будынак здаецца такім паветраным.

Міма. Аркбутаны ўдзельнічаюць у тым, каб здымаць нагрузку са сцен. Дзякуючы ў тым ліку ім будынак здаецца такім паветраным.

Паехалi!

Дзе знаходзіцца гэты помнік архітэктуры класіцызму?

У Менску.

У Пінску.

У Гомелі.

Ясная рэч. Гэта палац Румянцавых – Паскевічаў у Гомелі.

Прыгледзься лепей. Гэта палац Румянцавых – Паскевічаў у Гомелі.

Паехалi!

«Класічныя» калоны часта сустракаюцца на ўваходзе ў сядзібы. А што за будынак яны тут трымаюць?

Гандлёвыя рады.

Шпіталь.

Гаспадарчую прыбудову манастыра.

Слушна. Гэта гандлёвыя рады ў Навагрудку.

Не. Гэта гандлёвыя рады ў Навагрудку.

Паехалi!

Гэты стыль любіць вокны самых розных формаў.

Мадэрн.

Мадэрнізм.

Постмадэрнізм.

Усё так. На фота – помнік мадэрну, дом Кацнельсон у Бабруйску.

Памылка. На фота – помнік мадэрну, дом Кацнельсон у Бабруйску.

Паехалi!

Характэрны для мадэрну элемент назіраем на доме Каставіцкай у Менску.

Гэта эркер.

Гэта лоджыя.

Гэта мансарда.

Так. Закрытая частка фасада, якая выходзіць з плоскасці, – гэта эркер.

Не. Закрытая частка фасада, якая выходзіць з плоскасці, – гэта эркер.

Паехалi!

Навошта архітэктары мадэрну прыдумлялі незвычайныя купалы?

Для прыгажосці.

Для ўзмацнення даху.

Для павелічэння ўнутранай прасторы.

О так. Стылізаваныя купалы і вежы ў мадэрне нясуць выключна эстэтычную нагрузку.

А вось і не. Стылізаваныя купалы і вежы ў мадэрне нясуць выключна эстэтычную нагрузку.

Паехалi!

Пазнаеш помнік канструктывізму?

Генеральны штаб.

Дом урада.

Акадэмія навук.

Анягож. Гэта Дом урада – праект Іосіфа Лангбарда.

Паспяшаў(-ла-)ся. Гэта Дом урада – праект Іосіфа Лангбарда.

Паехалi!

А дзе знаходзіцца гэты прыклад тыповага для канструктывізму істужачнага шклення?

У Віцебску.

У Магілёве.

У Менску.

Так. Гэта Савет Рэспублікі ў Менску (раней тут была нацыянальная бібліятэка).

Не. Гэта Савет Рэспублікі ў Менску (раней тут была нацыянальная бібліятэка).

Паехалi!

Што для будынка Вялікага тэатра відавочна не прыдумаў бы архітэктар-канструктывіст?

Круглыя аб'ёмы.

Выцягнутыя па вертыкалі вокны.

Скульптурныя фігуры.

Вядома. Статуі Апалона і німфаў у вачах канструктывіста былі б відавочнай празмернасцю.

Не. Статуі Апалона і німфаў у вачах канструктывіста былі б відавочнай празмернасцю.

Паехалi!

Яшчэ раз!

Гэты матэрыял створаны
пры падтрымцы МТС.

Фота: palasatka. Ілюстрацыі: Olga Rummo.

ООО «ЭфСиБи Бел»
УНП 193185741

27.03.2023 |

Культурная праграма

Аўтар: 34travel

4838

САМЫЙ ПРОСТОЙ СПОСОБ ПОМОЧЬ 34travel

Если хочешь отблагодарить 34travel за своевременную новость о распродаже лоукостера, большой гайд или подсказки по части заведений, то проще всего сделать это через Ko-fi. Всего пара кликов, никаких регистраций, комиссий и подписок.

ЗАКИНУТЬ МОНЕТКУ