Пазнай беларускі храм па вежы – (складаны!) тэст

09.02.2023 |

Аўтар: 34travel

5507

Лічыш, што ўжо нядрэнна разбіраешся ў беларускіх славутасцях? Давай праверым, ці зможаш ты пазнаць важныя архітэктурныя помнікі па невялічкім фрагменце фатаграфіі. Усяго 10 пытанняў: ад даволі простых да (вельмі) складаных. Паехалі!

Пазнай беларускі храм па вежы – (складаны!) тэст

Паехалі!

Пачнём з простага. Што гэта за касцёл?

Касцёл Святога Міхала Арханёла ў Івянцы.

Касцёл Божага Цела ў Нясвіжы.

Фарны касцёл у Горадні.

Сафійскі сабор у Полацку.

Так, вядома. На фота – частка барочнага касцёла Божага Цела ў Нясвіжы.

Не. На фота – частка барочнага касцёла Божага Цела ў Нясвіжы.

Далей!

Якому шэдэўру неаготыкі належыць гэтая вострая вежа?

Падобна на касцёл у Відзах.

Гэта касцёл у Паставах.

Гэта касцёл у Гервятах.

Мабыць, гэта Суботнікі.

Ясная рэч. Перад намі – шпіль знакамітага храма ў Гервятах. Самы высокі ў Беларусі.

Ну як жа так. Перад намі – шпіль знакамітага храма ў Гервятах. Самы высокі ў Беларусі.

Далей!

На фота – адзін з наймагутнейшых абарончых храмаў у Беларусі. Што за ён?

Царква Святога Арханёла Міхала ў Сынкавічах.

Троіцкі касцёл у Ішкалдзі.

Касцёл Святога Арханёла Міхала ў Гнезна.

Свята-Раства-Багародзіцкая царква ў Мураванцы.

Ага. Гэта прыгожая (і моцная) царква ў Мураванцы, пабудаваная паміж 1516 і 1542 гадамі.

А вось і не. Гэта прыгожая (і моцная) царква ў Мураванцы, пабудаваная паміж 1516 і 1542 гадамі.

Далей!

Уважлівыя вандроўнікі па Беларусі пазнаюць гэты сімпатычны храм з адной ноты. Дзе ён знаходзіцца?

Солы.

Жалудок.

Крэва.

Ружаны.

Сапраўды! Гэта касцёл Богамаці Ружанцовай у Солах. Храм у стылі мадэрн у нашых краях нячаста сустрэнеш.

Міма. Гэта касцёл Богамаці Ружанцовай у Солах. Храм у стылі мадэрн у нашых краях нячаста сустрэнеш.

Далей!

А гэта яшчэ адзін абарончы храм – з вось такімі круглымі вежамі. Што за ён?

Троіцкі касцёл у Ішкалдзі.

Касцёл Святога Арханёла Міхала ў Смаргоні.

Троіцкі касцёл у Чарнаўчыцах.

Касцёл Святога Яна Хрысціцеля ў Камаях.

Так. Гэта старажытны храм у Камаях Пастаўскага раёна. Адзіны ў Беларусі, які аніразу не закрываўся за 400 гадоў свайго існавання.

Не. Гэта старажытны храм у Камаях Пастаўскага раёна. Адзіны ў Беларусі, які аніразу не закрываўся за 400 гадоў свайго існавання.

Далей!

Храм з гэтай строгай вежай знаходзіцца зусім недалёка ад Менска. Дзе?

Станькава.

Рубяжэвічы.

Дзяржынск.

Заслаўе.

Анягож! Гэта касцёл Святога Язэпа ў мястэчку Рубяжэвічы. І насамрэч у яго дзве вежы.

Не. Гэта касцёл Святога Язэпа ў мястэчку Рубяжэвічы. І насамрэч у яго дзве вежы.

Далей!

А на якім храме красуецца вось гэтая беласнежная вежа?

Гэта касцёл у Багушэвічах.

Гэта касцёл у Слабодцы, Браслаўскі раён.

Гэта легендарны Будслаў.

Думаю, гэта Мосар.

Слушна. Гэта адна са славутасцяў Браслаўшчыны – касцёл Сэрца Ісуса ў Слабодцы.

Няправільна. Гэта адна са славутасцяў Браслаўшчыны – касцёл Сэрца Ісуса ў Слабодцы.

Далей!

Чарговы востры шпіль – ад якога храма?

Касцёл у Ліпнішках.

Кірха ў Горадні.

Былая кірха ў Полацку.

Касцёл у Вілейцы.

Дакладна. Гэта неагатычны касцёл Святога Казіміра ў Ліпнішках.

Не. Гэта неагатычны касцёл Святога Казіміра ў Ліпнішках.

Далей!

Што гэта за храм?

Сабор у Менску на Нямізе, гэта ты?

Напэўна, Сафія ў Полацку.

Здаецца, касцёл Святога Міхала Арханёла ў Івянцы.

Вядома. Хоць для недасведчанага вока ўсе гэтыя храмы падобныя – цябе не ашукаеш.

Не ў гэты раз. Але хлусіць не будзем: усе гэтыя храмы насамрэч падобныя.

Далей!

Пытанне з зорачкай. На цэнтральнай плошчы якога беларускага горада знойдзеш гэты велічны касцёл?

Берасце.

Віцебск.

Пінск.

Горадня.

Так! На фота – фрагмент велічнага Фарнага касцёла ў Горадні.

Не. На фота – фрагмент велічнага Фарнага касцёла ў Горадні.

Далей!

Яшчэ раз!

09.02.2023 |

Культурная праграма

Аўтар: 34travel

5507

САМЫЙ ПРОСТОЙ СПОСОБ ПОМОЧЬ 34travel

Если хочешь отблагодарить 34travel за своевременную новость о распродаже лоукостера, большой гайд или подсказки по части заведений, то проще всего сделать это через Ko-fi. Всего пара кликов, никаких регистраций, комиссий и подписок.

ЗАКИНУТЬ МОНЕТКУ