Народная культура: Музеі пад адкрытым небам непадалёк ад Менска

|

Культурная праграма

|

Аўтар:   Юлия Миронова

|

  2452

Народная культура: Музеі пад адкрытым небам непадалёк ад Менска

Працягваем даследаваць Беларусь разам з аўтамабільным брэндам Kia. Гэтым разам прапануем дакрануцца да крохкай спадчыны драўлянай архітэктуры – і адкрыць для сябе музеі пад адкрытым небам непадалёк ад Менска. Тут можна занурацца ў гісторыю, даведвацца новае пра сваю краіну і знакамітых землякоў, а яшчэ – шмат шпацыраваць і любавацца глыбіннымі беларускімі краявідамі. Кожны з гэтых музеяў варты асобнага падарожжа, таму не рэкамендуем старацца аб'ехаць іх усе за адзін раз. Да таго ж зачыняюцца музеі звычайна даволі рана, таму абавязкова глядзі іх графікі працы перад выездам. І прыемных адкрыццяў!

 

Музей народнай архітэктуры і побыту ў вёсцы Азярцо

Час працы: 10:00 – 17:00 (каса працуе да 16:30)
Выходныя: панядзелак, аўторак
 Сайт

 

 

Бадай, самы вялікі і прыгожы музей Беларусі, прысвечаны народнай драўлянай архітэктуры. На яго наведванне лепей закладваць цэлы дзень: тэрыторыя музея вялізная, а галоўнае – вельмі цікавая.

У экспазіцыі прадстаўленыя арыгінальныя будынкі, звезеныя сюды з трох рэгіёнаў Беларусі: Падняпроўя, Паазер'я і цэнтральнай часткі (Палесся ды іншых раёнаў пакуль у музеі, на жаль, няма). Тут і цэрквы, і млын, і мноства хат і адрын – і ўсе яны некалі спраўна служылі людзям. Самае цікавае, што ўсе пабудовы размешчаныя не ў выпадковым парадку: яны паўтараюць тыповую для свайго рэгіёна планіроўку. Гэта ўсё вельмі цікава вывучаць.

Не саромейся загаворваць з «ахоўнікамі» кожнай славутасці – так можна даведацца багата чаго цікавага пра аб'ект: дзе ён раней знаходзіўся, каму служыў, у якім стане прыбыў у Азярцо. Работнікі музея вельмі ахвотна размаўляюць з наведнікамі і расказваюць усялякія гісторыі пра сваіх «апекаваных». Калі згаладаеш, на тэрыторыі музея ёсць карчма – і некалі гэты драўляны будынак таксама служыў карчмой! Мы ж абяцалі, што ўсё будзе максімальна аўтэнтычна.

 

***

 

Этнаграфічны комплекс «Млын» у Заслаўлі

Час працы: 9:00 – 17:00
Выходны: панядзелак

 Сайт

 

 

Гісторыка-культурны музей-запаведнік у Заслаўлі – гэта цэлы комплекс экспазіцый, які ўключае ў сябе музей у самым цэнтры горада, на Рынкавай плошчы, музей-ДАК Мінскага ўмацаванага раёна, Дзіцячы музей міфалогіі і лесу і, уласна, Этнаграфічны комплекс «Млын». У апошні мы і выправімся (хаця, калі ты прыехаў(-ла) у Заслаўль на цэлы дзень, наведванне ўсіх мясцовых музеяў стане выдатнай культурнай праграмай).

Этнаграфічны комплекс у Заслаўлі невялікі, але вельмі сімпатычны. У яго ўваходзяць чатыры будынкі: кузня, млын, свіран і дом завознікаў – нешта накшталт гасцініцы для тых, хто прывозіў на памол збожжа на млын. Пакуль млынар рабіў муку, кліент мог пераначаваць у камфортных умовах. У хаце і дагэтуль такая абстаноўка, быццам у любы момант сюды могуць заехаць пастаяльцы, якія чакаюць сваю муку: пасцеля ёсць, стол накрыты.

Усе гэтыя будынкі арыгінальныя. Самым каштоўным тут лічыцца млын, які датуецца ажно 1910-м – яму больш за 100 гадоў! Пры гэтым млын не просты, а паравы – даволі раскошная рэч для Беларусі тых часоў. І гэта адзіны такі млын, які захаваўся на тэрыторыі нашай краіны.

 

***

 

Філіял музея Янкі Купалы «Вязынка»

Час працы: 10:00 – 17:00
Выходны: панядзелак

 Сайт

 

 

Не толькі музей, але й ідэальнае месца для прагулкі. Менавіта ў Вязынцы нарадзіўся народны паэт Беларусі Янка Купала. Дом паэта быў адрэстаўраваны тут у 1972 годзе. Цяпер у пакоях, дзе некалі жыў паэт з сям'ёй, адноўлены інтэр'ер тых часоў. Каб усё выглядала максімальна аўтэнтычна, рэчы і прадметы побыту для экспазіцыі збіралі ў ваколіцах самой Вязынкі.

На тэрыторыі музея, акрамя хаты, месцяцца таксама свіран (з яшчэ адной экспазіцыяй), крынічка, старадаўні дуб і помнік Купалу аўтарства Азгура. У цэлым Вязынка – гэта вельмі маляўнічае месца, дзе прыгожа і квітнеючай вясной, і сакавітым летам, і залатой восенню, і беласнежнаю зімой. Сапраўднае месца моцы, куды так прыемна рвануць з гарадской мітусні, каб пабыць сам-насам з сабой і сваімі думкамі.

 

***

 

Фальварак «Ракуцёўшчына» 

Час працы: 10:00 – 17:30 (каса працуе да 16:30)
Выходныя: панядзелак, аўторак

 Сайт

 

 

У Ракуцёўшчыне знаходзіцца вельмі кампактны і мілы музей Максіма Багдановіча. А размясціўся ён у фальварку пана Лычкоўскага, роднага дзядзькі братоў Луцкевічаў (тых самых, якія выдавалі газету «Наша Ніва»). Якая сувязь? А вось якая: браты Луцкевічы запрасілі ў госці да свайго дзядзькі ў Ракуцёўшчыну Максіма Багдановіча – і гэта быў першы раз, калі паэт у свядомым узросце апынуўся ў Беларусі. За два летнія месяцы 1911 года Багдановіч напісаў тут мноства вершаў, настолькі натхняльнай стала для яго паездка на радзіму. Гэтыя творы ўвайшлі ў цыклы «Старая Беларусь» і «Места». Тут жа з'явіліся на свет паэмы «У вёсцы» і «Веранiка».

Музейны комплекс складаецца з панскай сядзібы, дома арандатара і гумна, якія былі адноўленыя ў 1990-х. Унутры – экспазіцыя, якая расказвае пра жыццё і творчасць паэта. Тэрыторыя музея вельмі прыемная і дагледжаная. А вось тут мы ўжо пісалі, якія яшчэ цікавыя мясціны ёсць паблізу, калі захочацца зрабіць сваё падарожжа больш грунтоўным.

 


 

Мы выправіліся ў гэтае падарожжа дзякуючы аўтамабільнаму брэнду Kia, які ўзычыў нам сваю стылёвую навінку – Kia Seltos.

Новая мадэль вельмі фотагенічная: рэльефны сілуэт, прыемныя колеры, стылёвыя фары і незаўважныя рэйлінгі на даху.

У Kia Seltos прадугледжаны ўсе пажаданні вандроўніка: падагрэў сядзенняў, лабавога шкла і люстэркаў, выдатная аўдыясістэма, самы прасторны салон у класе і ёмісты двухузроўневы багажнік.

А яшчэ Kia дадаткова паклапаціліся пра надзейнасць: аўтамабіль атрымаў кузаў з высокатрывалай сталі асобай тэхналогіі, 6 падушак бяспекі і шторкі бяспекі даўжынёю на ўвесь салон. Акрамя таго, убудаваны мультымедыядысплэй шырынёй у 8" размешчаны пад адмысловым вуглом, каб табе не даводзілася ўзірацца ў экран. Там жа адлюстроўваюцца дадзеныя ад паркавальнага асістэнта, дапоўненага датчыкамі набліжэння і камерай задняга віду.

Кампактны і дынамічны красовер стане тваім найлепшым сябрам у пастаянным руху і даследаванні свету.

 

Тэкст – Юлія Міронава, пераклад – Ліда Наліўка. 

Фота – palasatka.

Общество с ограниченной ответственностью «Автопалас-М»
УНН:101516333

hand with heart

Отблагодарить 34travel

Если наши материалы пригодились тебе в пути, сказать спасибо редакции можно, купив нам чашку кофе через Ko-fi. Всего пара кликов, никаких регистраций, комиссий и подписок. Спасибо, что ты с нами.

ЗАКИНУТЬ МОНЕТКУ

Чытай таксама

Да/пасля: 5 славутасцяў, якія змяніліся да непазнавальнасці

Калісьці – атмасферныя занядбанкі, а сёння – раскошныя палацы.

Гайд па стылі: едзем глядзець беларускі мадэрнізм

Вывучаем рысы канструктывізму і бруталізму.

Як прайшоў Юраўскі карагод – унікальны абрад сустрэчы вясны

Паказваем, як абрад са спісу ЮНЕСКА выглядае сёння.

Як праходзіць служба ў самым таямнічым храме Беларусі?

Храм, які адчыняе дзверы толькі раз на год.

«Абняць неабдымнае»: глядзім на беларускія пейзажы Віктара Грамыкі

Пейзаж з вышыні птушынага лёту.

Чаму варта наведаць Веткаўскі музей?

Самабытная гісторыя беларускага Пасожжа-Падняпроўя, унікальныя іконы і калекцыя традыцыйнага тэкстылю.

Цяпер на галоўнай

Падкаст пра беларускую гастраномію: Кава ці гарбата?

Гісторыя ўлюбёных напояў і традыцыйных дэсертаў.

9 мастацкіх музеяў і галерэй за межамі Менска

Пранізлівыя пейзажы, яскравыя маляванкі і нават манументальныя мазаікі.

Тут нават камяні жывыя. Этнограф – пра палескія традыцыі, якія захаваліся да нашых дзён

Міфалогія старажытнага беларуса, якую можна назіраць ужывую.

Забытая Беларусь: славутасці, якіх ужо няма

Спадчына, памяць пра якую застаецца толькі на малюнках.

Месца тыдня: Лынтупы

Касцёл, сядзіба і старыя могілкі.

Маршрут па беларускім Палессі: едзем у Пінск і ваколіцы

Унікальныя музеі народнай культуры, мясціны Напалеона Орды, загадкавыя пахавальні.

Як прайшоў Юраўскі карагод – унікальны абрад сустрэчы вясны

Паказваем, як абрад са спісу ЮНЕСКА выглядае сёння.

Едзем на захад ад Менска: старадаўнія сядзібы і велічныя храмы

Пабадзяцца ля разбураных сцен, палюбавацца храмамі і адшукаць круглае возера.

Афіша Беларусі: Куды пайсці ў траўні?

Архаічныя абрады, вечары з музыкай, выставы і барахолка.

Паказаць больш Паказаць больш